بيىل قازاق ءتىلىنىڭ دامۋىنا ۇلەس قوسقان عالىم، فيلولوگيا عىلىمدارىنىڭ دوكتورى، پروفەسسور، قازاقستان رەسپۋبليكاسىنىڭ مەملەكەتتىك سىيلىعىنىڭ يەگەرى اسەت بولعانبايەۆتىڭ 90 جىلدىعى.

2017 جىلدىڭ جەلتوقسان ايىندا الماتىدا «عىلىم ورداسى» رمك ورتالىق عىلىمي كىتاپحاناسىندا ءتىلتانۋشىنىڭ مەرەيتويىنا وراي كىتاپ كورمەسى ءوتتى. سونداي-اق مەملەكەت باسشىسى ن. نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتى احمەت بايتۇرسىن ۇلى اتىنداعى ءتىل ءبىلىمى ينستيتۋتى ۇلتتىق كىتاپحانانىڭ ن.داۋلەتوۆا اتىنداعى كونفەرەنسيا زالىندا اسەت بولعانباي ۇلىنىڭ «ءسوز سيقىرىن زەردەلەگەن عالىم» اتتى دوڭگەلەك ۇستەل ۇيىمداستىردى. دوڭگەلەك ۇستەل باستالار الدىندا الدىندا ءا. بولعانبايەۆتىڭ ءومىر جولى، عىلىمي ەڭبەكتەرى، ماقالالارى قويىلعان كورمە تانىستىرىلدى. كەلگەن قوناقتار مەن جالپى وقىرمان نازارىنا عالىمنىڭ كىتاپتارىنىڭ كورمەسى مەن فوتوسۋرەتتەرىنەن سلايدتار كورسەتىلدى.  دوڭگەلەك ۇستەلدى فيلولوگيا عىلىمدارىنىڭ دوكتورى، پروفەسسور مىرزابەرگەن مالباقوۆ جۇرگىزىپ وتىردى.

ءىس-شارادا ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرلەرى سەيدىن بيزاقوۆ «ءتىلىم دەپ تىنىم تاپپاعان عالىم»، نۇرگەلدى ءۋالي «لەكسيكوگراف – عالىم»، جامال مانكەيەۆا «ءسوز كەستەسىن تۇزگەن عالىم»، رۇستەم شويبەكوۆ « اسەت بولعانبايەۆتىڭ قازاق رۋحانياتىن تانىتۋداعى ەڭبەكتەرى»، اباي اتىنداعى قازۇپۋ-دىڭ پروفەسسورى گۇلبانۋ قوسىموۆا «سينونيمدەر – شەشەندىكتىڭ ماڭىزدى قۇرالى»، فيلولوگيا عىلىمدارىنىڭ دوكتورى، دوسەنت مايرا ءجۇنىسوۆا  «اسەت بولعانبايەۆتىڭ سينونيمدەر سوزدىگى تۋرالى»، ءال-فارابي اتىنداعى اتىنداعى قازۇۋ-دىڭ فيلولوگيا عىلىمدارىنىڭ دوكتورى، پروفەسسور گۇلدارحان سماعۇلوۆا «اسەت بولعانبايەۆ فرازەولوگيزمدەردىڭ سينونيمدىك سيپاتى تۋرالى»، قازاقستاننىڭ ەڭبەك سىڭىرگەن قايراتكەرى، فيلولوگيا عىلىمدارىنىڭ كانديداتى اسىلى وسمان «سينونيمدەر اتاسى» دەگەن تاقىرىپتا باياندامالارىن جاسادى.